Perqué Pons ?
-Pons, un dia que't caurà disèr perqué...
-...
-Perqué, Pons ?
-Perqué qué ?
-Perqué "Pons" ?
-Es aital.
-Mès... n'es pas lo ton nom vertadèr ?
-Ah bon ?
-Voi disèr...en pujar totara, qu'èi vist que sus la bostia de letras n'era pas marcat aquò, qu'era marcat...
-Sabi plan çò que i a escrich. Soi ieu que botèri l'etiqueta !
-Alavetz... perqué t'apèri Pons ?
-M'apèlas aital dempuèi que nos parlam. Perqué cambiar ?
-La vertat es que...
-Pons t'agrada pas ?
-N'es pas aquò...
-Los escaisses te geinan ?
-Es de vèder lo ton nom escrivut...
-As jamai cercat a lo conèisser tanpauc avant !
-Qu'avèvi l'impression que i a causas que ne vòs pas briga parlar...
-...
-Tot aquò me geina...
-Ont es lo problèma ? Que m'apelèssi Pons o quicòm mai, de qué cambia ?
-Es...saps...quand èm aquiu...dens lo lèit...e que hasèm...saps que...jo que pensi "Pons" hòrt, hòrt...que te'u marmusi dens l'aurelha...
-O crides tanben...
-...òc...a còps...mès, com disèr, adara qu'èi vist un nom...aute...qu'èi l'impression que n'es pas mèi tu, dab jo, dens aquèth lèit... qu'es un estrangièr...fin finau qu'èi l'impression de ne pas te conèisher briga...
-Es çò que m'agrada a ieu.
Pons
Categorias: Pons
digg it | 
del.icio.us
Dab un text cada trimestre, e pòs dintrar dens lo monde deu showbizness !
Anem ! T'estancas pas aquí !
Fau cerchar l'òme (o la femna) dejos lo chafre. O los chafres... La multituda daus noms es la de las identitats de chascun, la complexitat de chasque uman...
La nosta lenga qu'èi un ocean multilectau, que podem imaginar de dialòg atau dab un de Briançon ed un aute d'Al Buga ed un aute dera Vath d'Aspa, un de Vichei tot a capvath ed un auta de Vielha to a capsús.
La nòstra linga quo s 'na prada de las milantas flors que van respelir mila trucolunon dins lo torrin borrut!